استعفوں کی تصدیق کا معاملہ، پی ٹی آئی کا کوئی رکنِ اسمبلی پیش نہ ہوا

پاکستان تحریک انصاف (پی ٹی آئی) کے ارکان قومی اسمبلی کے استعفوں کی تصدیق کا عمل شروع نہ ہوسکا، آج  پی ٹی آئی کا کوئی رکن تصدیق کیلئے نہیں آیا۔

پی ٹی آئی کی اپنے ارکان کو استعفوں کی تصدیق کے عمل کا حصہ نہ بننے کی ہدایت

ہم استعفے دےچکے ہیں لہٰذا مزید کسی اقدام کی ضرورت نہیں، ارکان اسپیکر اسمبلی کے سامنے پیش نہ ہوں: ذرائع

اسپیکر قومی اسمبلی نے استعفوں کی تصدیق کے حوالے سے ہر  پی ٹی آئی رکن کیلئے 5 منٹ مقرر کر رکھے تھے اور تصدیق کیلئے پی ٹی آئی کے 30 ارکان کو  آج بلایا گیا تھا لیکن کوئی رکن پیش نہیں ہوا۔

اسپیکر قومی اسمبلی نےاستعفوں کی تصدیق کیلئے 10جون کی ڈیڈ لائن مقرر کی ہے۔ ذرائع کا کہنا ہے کہ مقررہ وقت کے  بعد اسپیکر قومی اسمبلی استعفوں سے متعلق اپنا فیصلہ کریں گے۔

اسپیکر قومی اسمبلی نے پی ٹی آئی ارکان کو استعفوں کی تصدیق کیلئے طلب کرلیا

قومی اسمبلی سیکرٹیریٹ کی جانب سے مستعفی اراکین کو مراسلے جاری کردیے ہیں، ترجمان قومی اسمبلی

خیال رہے کہ پی ٹی آئی قیادت نے اپنے ارکان قومی اسمبلی کو استعفوں کی تصدیق کے عمل میں شامل نہ ہونے کی ہدایت کی تھی۔

تحریک انصاف کی قیادت نے اپنے ارکان قومی اسمبلی کو ہدایات جاری کی ہیں کہ وہ استعفوں کی تصدیق کے عمل کا حصہ نہ بنیں، قیادت نے پارٹی ارکان کے سامنے مؤقف اپنایا تھا کہ ہم استعفے دےچکے ہیں لہٰذا مزید کسی اقدام کی ضرورت نہیں۔

ترجمان قومی اسمبلی کے مطابق پی ٹی آئی کے مستعفی ارکان کی تعداد 131 ہے۔