21 جون ، 2022 
پاکستان
اس وقت کی وفاقی حکومت نے قبائلی اضلاع کو صوبائی بجٹ میں ایڈجسٹ کرنے کے لیے خیبرپختونخوا حکومت کو لیٹر جاری کیا تھا: نصیر اللہ/ فائل فوٹو
پی ٹی آئی حکومت میں قبائلی اضلاع کو صحت کارڈ پروگرام سے نکالا گیا: پی ٹی آئی رکن کا ا عتراف
21 جون ، 2022
پشاور: پی ٹی آئی کے رکن خیبرپختونخوا اسمبلی نصیر اللہ نے قبائلی اضلاع کو صحت کارڈ پروگرام سے نکالے جانے کا اعتراف کرلیا۔
رکن خیبرپختونخوا اسمبلی نصیر اللہ نے صوبائی اسمبلی میں بجٹ پر بحث میں حصہ لیتے ہوئے اعتراف کیا کہ پی ٹی آئی کی حکومت میں قبائلی اضلاع کو صحت کارڈ پروگرام سے نکالا گیا تھا۔
انہوں نے کہا کہ اس وقت کی وفاقی حکومت نے قبائلی اضلاع کو صوبائی بجٹ میں ایڈجسٹ کرنے کے لیے خیبرپختونخوا حکومت کو لیٹر جاری کیا تھا لیکن صوبائی حکومت نے بروقت اقدام نہیں کیا اور اب کہہ رہی ہے کہ وفاقی حکومت نے قبائلی اضلاع کو صحت کارڈ سے نکال دیا ہے۔
