03 اگست ، 2022 
پاکستان
انڈس اسپتال میں کینسر جیسے موذی مرض میں مبتلا بچوں کے علاج کا انتظام بڑا کارنامہ ہے: بخیت عتیق الرومیتی— فوٹو: فائل
یو اے ای قونصل جنرل بخیت عتیق الرومیتی کا انڈس اسپتال میں بچوں کے کینسر وارڈ کا دورہ
03 اگست ، 2022
متحدہ عرب امارات کے قونصل جنرل بخیت عتیق الرومیتی نے انڈس اسپتال میں بچوں کے کینسر وارڈ کا دورہ کیا۔
اس موقع پر انہوں نے اسپتال کی انتظامیہ اور اسٹاف کے جذبے اور حسنِ انتظام کو سراہا اور کہا کہ یہ ایک نیک مشن کیلئے مصروف عمل ہیں جو دنیا و آخرت میں کامیابی کا باعث بنے گا۔
انہوں نے کہا کہ سب سے بڑی خدمت انسانی جانوں کو بچانا ہے، انڈس اسپتال میں کینسر جیسے موذی مرض میں مبتلا بچوں کے علاج کا انتظام بڑا کارنامہ ہے۔
انہوں نے اسپتال انتظامیہ کو اپنے بھر پور تعاون کا یقین دلایا۔ اس موقع پر اسپتال کے سی ای او ڈاکٹر عبدالباری خان بھی موجود تھے۔
