09 اگست ، 2022 
پاکستان
مقتول نیشنل پارٹی کے سابق ممبر بلوچستان اسمبلی ہینڈری بلوچ کے بڑے بھائی تھے۔ فوٹو جیو نیوز
بلوچستان: نامعلوم افراد کی فائرنگ سے زخمی سابق ایم پی اے کے بھائی چل بسے
09 اگست ، 2022
بلوچستان کے شہر مستونگ میں گزشتہ روز نامعلوم افراد کی فائرنگ سے زخمی ہونے والے سابق ایم پی اے کے بڑے بھائی زخموں کی تاب نہ لاتے ہوئے دم توڑ گئے۔
گزشتہ روز مستونگ کی کرسچن کالونی میں نامعلوم افراد کی فائرنگ سے سابق ایم پی اے ہینڈری بلوچ کے بڑے بھائی ولسن مسیح اور 3 بچے زخمی ہو گئے تھے۔
ولسن مسیح کو مستونگ کے شہید نواب غوث بخش رئیسانی میموریل اسپتال میں ابتدائی طبی امداد کے بعد تشویشناک حالت میں کوئٹہ منتقل کیا گیا تھا۔
ولسن کوئٹہ میں زیر علاج تھے جہاں وہ آج چل بسے، ان کی میت آبائی علاقے مستونگ منتقل کی جا رہی ہے۔
مقتول نیشنل پارٹی کے سابق ممبر بلوچستان اسمبلی ہینڈری بلوچ کے بڑے بھائی تھے۔
