10 اگست ، 2022 
پاکستان
چینی زبان سے ناواقفیت کےسبب ڈوبنے کی وجوہات کا علم نہ ہوسکا، ترجمان فشرفوک فارم— — فوٹو: اسکرین گریب
کراچی کے ماہی گیروں نے چینی باشندے کو ڈوبنے سے بچا لیا
10 اگست ، 2022
کراچی میں ابراہیم حیدری کے قریب گہرے سمندر میں ماہی گیروں نے ایک چینی باشندے کو سمندر میں ڈوبنے سے بچالیا اور اسے ریسکیو کر کے کنارے تک پہنچایا۔
فشر فوک فورم ذرائع کے مطابق کراچی کے بھنڈار جزیرے کے قریب پھٹی کریک کے مقام پر ایک چینی باشندہ سمندر میں ڈوب رہا تھا، اس دوران وہاں شکار میں مصروف ابراہیم حیدری کے ماہی گیروں کی نظر پڑی جنہوں نے فوری طور پر اپنا شکار چھوڑ کر چینی باشندے کو ڈوبنے سے بچایا۔
ماہی گیروں نے چینی باشندے کو کشتی میں بٹھا کر ابراہیم حیدری پہنچایا۔
چینی زبان سے ناواقفیت کی وجہ سے چینی باشندے کے بارے میں مزید معلومات سامنے نہیں آ سکی تاہم اسے پوچھ گچھ کیلئے میری ٹائم سکیورٹی ایجنسی کے حوالے کردیا گیا۔
