01 ستمبر ، 2022 
یو اے ای کا پاکستان میں سیلاب متاثرین کیلئے 50 ملین درہم امدادکا اعلان
01 ستمبر ، 2022
دبئی: متحدہ عرب امارات (یو اے ای) نے پاکستان میں سیلاب متاثرین کے لیے 50 ملین درہم امداد کا اعلان کیا ہے۔
پاکستان کو یہ امداد محمد بن راشد المکتوم گلوبل انیشیٹیو اور ورلڈ فوڈ پروگرام کے تعاون سے دی جائےگی۔
اس سے قبل وزیراعظم شہباز شریف نے ایک بیان میں بتایا تھا کہ متحدہ عرب امارات سیلاب زدگان کی مدد کے لیے پاکستان کو 5 کروڑ ڈالر مالیت کا سامان فراہم کرےگا۔
شہباز شریف کا کہنا تھا کہ گزشتہ رات میری یو اے ای کے صدر محمد بن زاید سے ٹیلفونک گفتگو ہوئی، متحدہ عرب امارات نے سیلاب زدگان کے لیے امدادی سامان کی فراہمی شروع کر دی ہے اور یو اے ای کے صدر نے سیلاب متاثرین کی امداد جاری رکھنے کا یقین دلایا ہے، یو اے ای سیلاب زدگان کے لیے 5کروڑ ڈالر مالیت کا سامان عطیہ کرے گا۔
