24 ستمبر ، 2022 
وزیراعظم شہباز شریف کی نوبیل انعام یافتہ ملالہ یوسف زئی سے ملاقات
24 ستمبر ، 2022
وزیراعظم شہباز شریف کی نوبیل انعام یافتہ ملالہ یوسف زئی سے ملاقات ہوئی۔
شہباز شریف اورملالہ یوسف زئی کی ملاقات اقوام متحدہ جنرل اسمبلی اجلاس کے موقع پر ہوئی۔
ملاقات کے دوران وزیراعظم نے لڑکیوں کی تعلیم اور سماجی ایشوز پر ملالہ کی خدمات کو سراہا جبکہ شہباز شریف نے موسمیاتی تبدیلی سے ہونے والے نقصانان پر روشنی ڈالی۔
وزیراعظم کا کہنا تھا کہ لڑکیوں کی تعلیم کے فروغ کیلئے ملالہ فنڈ کی وزارت تعلیم کے ساتھ شراکت داری کو سراہتے ہیں۔
دوسری جانب ملالہ یوسف زئی نے وزیراعظم سے ملاقات میں لڑکیوں کی تعلیم کے فروغ کیلئے اپنے عزم کا اعادہ کیا۔
اس کے علاوہ ملالہ نے سیلاب کے نقصانات خاص کر اسکولوں کی تباہی پر افسوس کا اظہار کرتے ہوئے خواتین کی تعلیم تک رسائی یقینی بنانے کے لیے ملالہ فنڈ کی حمایت کا یقین دلایا۔
