ممبئی … کینسر میں مبتلا بھارتی اداکارہ منیشا کوئرالہ علاج کیلئے امریکا جانے کا ارادہ رکھتی ہیں، حال ہی میں ممبئی کے جسلوک اسپتال سے ڈسچارج کی جانے والی بالی ووڈ ایکٹریس منیشا کوئرالہ اویرین کینسر میں مبتلا ہیں۔ ڈاکٹروں کے مطابق ان کی بیماری ابتدائی مراحل میں ہے اور انہیں آپریشن کی ضرورت ہے۔ منیشا اس سلسلے میں جلد از جلد امریکا کا رخ کرنے کا ارادہ رکھتی ہیں تاکہ وہیں اپنا علاج کروا سکیں۔ کچھ روز قبل نیپالی دارالحکومت کٹھمنڈو میں اچانک بے ہوش ہو جانے کے بعد انہیں ممبئی لایا گیا تھا جہاں ان میں کینسر کی تشخیص ہوئی۔