10 نومبر ، 2022 
ٹی ٹوئنٹی ورلڈکپ کے فائنل میں جیت پاکستان کا مقدر بنے گی: شاہین آفریدی
10 نومبر ، 2022
قومی ٹیم کے فاسٹ بولر شاہین آفریدی کا کہنا ہےکہ ٹی ٹوئنٹی ورلڈکپ کے فائنل میں جیت پاکستان کا مقدر بنے گی۔
سڈنی سے میلبرن روانگی سے قبل میڈیا سے گفتگو کرتے ہوئے شاہین شاہ آفریدی نے کہا کہ بھارت اور انگلینڈ دونوں اچھی کرکٹ کھیل کر سیمی فائنل میں پہنچے ہیں، فائنل میں جو بھی مدمقابل ہو امید ہے فائنل ہم جیتیں گے۔
انہوں نے کہا کہ انہیں تنقید کرنے والوں کی فکر نہیں، وہ ٹی وی پر بیٹھتے ہیں ان کی جاب ہے، انہیں مبارکباد دونگا اور کہوں گا کہ وہ انجوائے کریں۔
شاہین آفریدی کا کہنا تھا انہیں یقین تھا کہ ایک چانس ملے گا، اچھی کرکٹ کھیلنے کے باوجود شکستوں کا سامنا رہا کیونکہ رزلٹ ہمارے ہاتھ میں نہیں ہوتے، جیت پر پوری قوم کو مبارکباد دونگا۔
قومی کرکٹر نے مزید کہا کہ جیت کا کریڈٹ انہیں نہیں تمام کھلاڑیوں کو جاتا ہے ،ڈریسنگ روم میں کپتان ہیڈ کوچ اور کھلاڑی کوالیفائی کرنے کےلیے پرامید تھے۔
ان کا کہنا تھاکہ گھٹنے کی انجری کے بعد فاسٹ بولر کاکم بیک کرنا آسان نہیں ہوتا، تین ماہ میں انجری کے بعد 100 فیصد دے رہا ہوں، کرکٹ گیم ہے اور فائنل تک رسائی کا کریڈٹ پوری ٹیم کے سر ہے، فائنل میں بھارت یا انگلینڈ سے جیت پاکستان کا مقدر بنے گی۔
مزید خبریں :
بابر اعظم نے ایک اور اعزاز اپنے نام کرلیا
10 گھنٹے پہلے
باکسنگ ڈے ٹیسٹ میچ کے پیچھے کہانی کیا ہے؟
25 دسمبر ، 2024
بھارتی کرکٹر کے ہاں بیٹے کی پیدائش
25 دسمبر ، 2024
چیمپئنز ٹرافی کی میزبانی کیلئے بہت پرجوش ہیں: محمد رضوان
25 دسمبر ، 2024
