11 نومبر ، 2022 
لاہور ہائیکورٹ: عمران کو پارٹی چیئرمین سے ہٹانے کے کیس میں لارجر بینچ بنانے کی سفارش
11 نومبر ، 2022
لاہور ہائیکورٹ نے عمران خان کو چیئرمین پاکستان تحریک انصاف کے عہدے سے ہٹانے کی درخواست پر چیف جسٹس سے لارجر بینچ بنانے کی سفارش کر دی۔
عمران خان کو چئیرمین تحریک انصاف کے عہدے سے ہٹانےکے لیے دائر درخواست پر سماعت لاہور ہائیکورٹ میں ہوئی۔
جسٹس محمد ساجد محمود سیٹھی نے محمد آفاق کی درخواست پر سماعت کی۔ درخواست گزار کی جانب سے وفاقی حکومت، الیکشن کمیشن، عمران خان اور دیگر کو فریق بنایا گیا ہے۔
درخواست گزار کا کہنا ہے کہ عمران خان این اے 95 سے نااہل قرار دیے جا چکے، الیکشن کمیشن کے فیصلے کے بعد عمران خان نا اہل ہو چکے اس لیے عمران خان پارٹی چیئرمین شپ کا استحقاق بھی نہیں رکھتے، عمران خان کو پارٹی چیئرمین کے عہدے سے ہٹانےکا حکم دیا جائے۔
عدالت نے درخواست پر لارجر بینچ بنانے کی سفارش کے ساتھ فائل چیف جسٹس لاہور ہائیکورٹ کو بھجوا دی۔
عدالت کی جانب سے ایک ہی نوعیت کے 2 کیسز پر لارجر بینچ بنانے کی سفارش کی گئی ہے جبکہ ایڈیشنل اٹارنی جنرل مرزا نصر احمد نے جواب جمع کروانے کے لیے مہلت طلب کر لی ہے۔
