کراچی میں 4 روزہ دفاعی نمائش آئیڈیاز کا انعقاد، وزیراعظم افتتاح کریں گے

چار روزہ بین الاقوامی دفاعی نمائش آئیڈیاز 2022 کراچی کے ایکسپو سینٹر میں 15 نومبر سے شروع ہو گی جس کا افتتاح وزیراعظم پاکستان میاں شہباز شریف کریں گے۔ 

اس سلسلے میں ڈائریکٹر جنرل کو آرڈینیشن ڈیپو بریگیڈیئر نوید اعظم چیمہ نے پریس کانفرنس کی، ان کے ہمراہ ڈی آئی جی ٹریفک احمد نواز چیمہ،  ایم ڈی بدر ایکسپو اور دیگر بھی موجود تھے۔ 

ڈائریکٹر کوآرڈینیشن ڈیپو بریگیڈئیر نوید اعظم چیمہ نے بتایا کہ بین الاقوامی دفاعی نمائش آئیڈیاز 15 نومبر سے کراچی میں شروع ہورہی ہے۔ چار روزہ دفاعی نمائش ڈیفنس ایکسپورٹ پروموشن آرگنائزیشن کے زیر اہتمام 15 سے 18نومبر کو کراچی ایکسپو سینٹر میں منعقد ہوگی۔

آئیڈیاز 2022 اور سخت حساب

پاکستان میں آئیڈیاز 2022 ہونے جارہی ہے یہ دفاعی صنعت کے شعبے میں اس کا 11 واں ایڈیشن ہے

 انہوں نے کہا کہ موجودہ حالات میں نمائش کا انعقاد ایک چیلنج تھا، ڈائریکٹر میڈیا ڈیپو کموڈور محمد طاہر نے کہا کی جی ایف 17، الخالد ٹینک سمیت دیگر مصنوعات کی دنیا بھر میں بہت ڈیمانڈ ہے۔ کورونا کی عالمی وبا کے باعث 2020 میں نمائش کا انعقاد نہیں ہوسکا تھا۔ رواں برس چار سال بعد یہ ایونٹ ہورہا ہے۔ آئیڈیاز کا آغاز سال2000میں ہوا۔

ڈائریکٹر کوآرڈینیشن کا کہنا تھا کہ اس سال دفاعی نمائش کا یہ گیارہواں ایڈیشن ہے۔ آئیڈیاز کا انعقاد ٹیکنالوجی کے تبادلے اور فروغ میں اہم کردار ادا کرتا ہے۔ آئیڈیاز کے پلیٹ فارم سے بین الاقوامی کمیونٹی اور ان کی دفاعی انڈسٹریز کو ہماری مصنوعات کو جاننے کا موقع ملتا ہے۔ آئیڈیاز کے آغاز 2000 سے 84 مندوبین سے تعداد 2018 میں 231 تک پہنچ گئی۔ آئیڈیاز میں سیمینارز، ٹیکنالوجی شیئرنگ، بی ٹو بی، بی ٹو جی ملاقاتیں ہوں گی۔

انہوں نے بتایا کہ 15 نومبر کو نمائش کا وزیر اعظم افتتاح کریں گے۔ 17 نومبر کو سی ویو پر ڈرلز منعقد کی جائیں گی۔ نمائش میں 51 ممالک کے 522 مندوبین شرکت کررہے ہیں۔ 64 ممالک کے 285 وفود نمائش میں شرکت کریں گے۔ 323 بیرون ممالک اور 199 لوکل مندوبین شریک ہوں گے۔ 

ڈی آئی جی ٹریفک کراچی احمد نواز چیمہ کی جانب سے پریس کانفرنس میں نمائش کے دنوں میں علاقے میں ٹریفک کی صورتحال کے حوالے سے تفصیلات سے آگاہ کیا گیا اور متبادل راستوں کے حوالے سے بتایا گیا۔