30 نومبر ، 2022
بھارت کے شہر لکھنؤ میں ڈاکوؤں نے سونے کی بالیاں حاصل کرنے کے لیے خاتون کا کان ہی کاٹ ڈالا۔
بھارتی میڈیا کے مطابق لکھنؤ میں نرملا سنگھ نامی خاتون گھر کا سودا لینے باہر گئی تو اسکوٹی پر دو ڈاکوؤں نے اس کی سونے کی بالیاں چھیننے کی کوشش کی۔
میڈیا رپورٹس کے مطابق خاتون کی جانب سے شدید مزاحمت کی گئی اور جب ڈاکو سونے کی بالیاں حاصل کرنے میں کامیاب نہ ہوئے تو انہوں نے تیز دھار آلے سے خاتون کا کان کاٹ ڈالا اور بالیاں لیکر فرار ہو گئے۔
خاتون کو فوری طور پر طبی امداد کے لیے اسپتال منتقل کیا گیا جبکہ پولیس نے واقعے کا مقدمہ درج کر کے سی سی ٹی وی فوٹیج کی مدد سے ملزمان کی گرفتاری کے لیے کوششیں شروع کر دی ہیں۔