حارث رؤف انگلینڈ کے خلاف ٹیسٹ سیریز سے باہر

قومی کرکٹر حارث رؤف انگلینڈ کے خلاف ٹیسٹ سیریز سے باہر ہوگئے۔

پاکستان کرکٹ بورڈ کی جانب سے جاری بیان میں فاسٹ بولر حارث رؤف کے پاک انگلینڈ ٹیسٹ سیریز سے باہر ہونے کی تصدیق کی گئی ہے۔ 

پی سی بی نے کہا ہےکہ حارث رؤف کو ٹانگ کی دائیں جانب دباؤ محسوس ہورہا ہے، راولپنڈی ٹیسٹ کے پہلے روز حارث کے ایم آر آئی اسکین کیے گئے تھے۔

پی سی بی کے مطابق حارث رؤف جلد لاہور میں ری ہیب پروگرام شروع کریں گے۔

دوسری جانب ذرائع کا کہنا ہےکہ اسکواڈ میں حارث رؤف کے متبادل فاسٹ بولر کا فیصلہ جلد کیا جائے گا اور محمد عباس کو متبادل کے طور پر ٹیسٹ اسکواڈ میں شامل  کیے جانے کا امکان ہے۔

پنڈی پِچ کی تیاری میں رائے شامل تھی لیکن جیسی وکٹ چاہتے تھے نہیں مل پائی: بابر

شاہین کی کمی محسوس ہوئی، حارث کی انجری سنجیدہ نوعیت کی ہے، معلوم وہ ملتان ٹیسٹ میں دستیاب ہوں گے یا نہیں: قومی کپتان

راولپنڈی کی پچ نے بیٹرز کو مدد دی، یہ میرے کیریئر کا بہترین میچ تھا: اسٹوکس

ٹیسٹ کرکٹ جارحانہ انداز میں کھیلی جائے تو دلچسپ ہوجاتی ہے، ایسی پچ پر میچ جیتنا بہت اسپیشل تھا: انگلش کپتان