23 دسمبر ، 2022 
پاکستان
خیبرپختونخوا اسمبلی آج تحلیل نہیں کررہے، اس سلسلے میں عمران خان کے حکم کا انتظار ہے: وزیراعلیٰ محمود خان/ فائل فوٹو
خیبرپختونخوا حکومت کا صوبائی اسمبلی آج تحلیل نہ کرنےکا فیصلہ
23 دسمبر ، 2022
پشاور: خیبرپختونخوا حکومت نے صوبائی اسمبلی کو آج تحلیل نہ کرنےکا فیصلہ کیا ہے۔
ذرائع کے مطابق خیبرپختونخوا حکومت وزیراعلیٰٰ پنجاب کو ڈی نوٹیفائی کیے جانے کے بعد کی صورتحال کا جائزہ لے رہی ہے اور صوبائی حکومت نے فی الحال اسمبلی تحلیل کرنے کے لیے اب تک ایڈوائس تیار نہیں کی ہے۔
اس حوالے سے وزیراعلیٰ کے پی محمود خان نے کہا ہےکہ خیبرپختونخوا اسمبلی آج تحلیل نہیں کررہے، اس سلسلے میں عمران خان کے حکم کا انتظار ہے، عمران خان نے جیسے ہی حکم دیا گورنرکو اسمبلی تحلیل کرنےکی ایڈوائس بھیج دوں گا۔
واضح رہے کہ چیئرمین پی ٹی آئی عمران خان کی جانب سے اعلان کے بعد وزیراعلیٰ خیبرپختونخوا محمود خان نے آج اسمبلی تحلیل کرنےکا اعلان کیا تھا۔
