معروف ڈائریکٹر و پروڈیوسر روہت شیٹی زخمی ہوگئے

بھارتی فلموں کے معروف ڈائریکٹر و پروڈیوسر روہت شیٹی اپنے آنے والی ویب سیریز کی شوٹنگ کے دوران زخمی ہوگئے۔

میڈیا رپورٹس کے مطابق روہت شیٹی حیدرآباد میں اپنی آنے والی ویب سیریز ’انڈین پولیس فورس‘ کی شوٹنگ کے دوران ایک ایکشن سیکوئنس فلماتے ہوئے زخمی ہوئے۔

اطلاعات کے مطابق روہت شیٹی کی انگلیوں میں زخم آیا جس کے بعد انہیں فوری طور پر اسپتال لے جایا گیا جہاں انہیں طبی امداد دی گئی۔

طبی امداد ملنے کے بعد روہت شیٹی واپس سیٹ پر آئے اور انہوں نے شوٹنگ مکمل کی۔

خیال رہے کہ روہت شیٹی کی بطور ڈائریکٹر یہ پہلی ویب سیریز ہے جس میں سدھارتھ ملہوترا، وویک اوبرائے اور شلپا شیٹی مرکزی کرداروں میں نظر آئیں گی اور یہ او ٹی ٹی پلیٹ فارم ایمازون پرائم پر ریلیز کی جائے گی۔