15 جنوری ، 2023 
پاکستان
پولیس افسر بننے کا شوق ہے، اسی لیے خاص طور پر اپنے لیے یونیفارم بنوائی: ریحان کی گفتگو/ فوٹو جیونیوز
بلدیاتی الیکشن: ملیر میں باپ کے ساتھ بچہ بھی آن ڈیوٹی پولیس افسر
15 جنوری ، 2023
کراچی میں بلدیاتی انتخابات کے لیے پولنگ کے دوران شاہ لطیف ٹاؤن ملیر کے ایک پولنگ اسٹیشن پر پولیس افسر کی وردی میں ملبوس بچہ ڈیوٹی کرتے ہوئے توجہ کا مرکز بن گیا۔
ملیر شاہ لطیف ٹاؤن سیکٹر 17 بی میں بوسٹ پبلک اسکول میں قائم یو سی 2 کے پولنگ اسٹیشن 371 پر بھی دیگر کی طرح زبردست سکیورٹی انتظامات کیے گئے تھے۔
اس پولنگ اسٹیشن پر 8 سالہ بچہ ریحان توجہ کا مرکز تھا جو اپنے پولیس افسر والد کے ساتھ سپرنٹنڈنٹ پولیس کی وردی پہن کر ڈیوٹی دے رہا تھا۔
پولنگ اسٹیشن کے باہر پولیس کی وردی میں ملبوس ہو کر کھڑے رہنے کے بارے میں پوچھنے پر ریحان نے بتایا کہ اسے پولیس افسر بننے کا شوق ہے، اسی لیے خاص طور پر اپنے لیے یونیفارم بنوائی ہے۔
