18 فروری ، 2023 
پاکستان
احمد امجد نامی شہری کو 2008 میں کراچی کے علاقے میٹھادر میں فائرنگ کرکے قتل کیا گیا تھا: پولیس/ فائل فوٹو
کراچی: بیٹی نے باپ کے مبینہ قاتل کو 14سال بعد تلاش کرکے دبئی میں گرفتار کرادیا
18 فروری ، 2023
کراچی: بیٹی نے باپ کے مبینہ قاتل کو 14سال بعد تلاش کرکے دبئی میں گرفتار کرادیا۔
پولیس کے مطابق انٹرپول نے ملزم کی گرفتاری کراچی پولیس کی مدد سےکی اور ملزم کی کراچی منتقلی کے لیے قانونی تقاضے پورے کیے جارہےہیں۔
پولیس کے مطابق احمد امجد نامی شہری کو 2008 میں کراچی کے علاقے میٹھادر میں فائرنگ کرکے قتل کیا گیا تھا جس کے قتل کا مقدمہ بھی میٹھادر تھانے میں ہی درج تھا۔
پولیس کا بتانا ہےکہ ملزم سید تقی شاہ کو 2009 میں عدالت نے مفرور قرار دیا تھا اور 2022 میں ملزم کا قومی شناختی کارڈ اورپاسپورٹ بھی بلاک کردیا گیا تھا۔
