10 مارچ ، 2023 
پاکستان
دہشتگردوں کے قبضے سے دو دوستی بم بھی برآمد کیے گئے ہیں، دہشتگرد شہر میں بدامنی پھیلانا چاہتے تھے: ایس ایس پی/ فو ٹو پولیس
کراچی: کلاکوٹ سے کالعدم بی ایل ایف کے دو دہشتگرد گرفتار
10 مارچ ، 2023
کراچی: وفاقی حساس ادارے اور پولیس نے بڑی کارروائی کرتے ہوئے کالعدم تنظیم کے دو دہشتگردوں کو گرفتار کرلیا۔
ایس ایس پی سٹی عارف عزیز کےمطابق وفاقی حساس ادارے اور پولیس نے لیاری کے علاقے کلاکوٹ میں کارروائی کرتے ہوئے کالعدم تنظیم بلوچستان لبریشن فورس (بی ایل ایف) کے دو دہشتگردوں کو گرفتار کرلیا۔
ایس ایس پی نے بتایا کہ دونوں دہشتگردوں کا تعلق بلوچستان لبریشن فورس ڈاکٹر اللہ نذر گروپ سے ہے جن کی شناخت ولید عرف ولڑ اور شعیب عرف ببلو کے نام سے ہوئی۔
ایس ایس پی کے مطابق دہشتگردوں کے قبضے سے دو دوستی بم بھی برآمد کیے گئے ہیں، دہشتگرد شہر میں بدامنی پھیلانا چاہتے تھے، ان کے خلاف مقدمہ درج کرکے تفتیش شروع کردی گئی ہے۔
