19 اپریل ، 2023 
پاکستان
احتساب عدالت نے احد چیمہ کی درخواست پر نیب کو نوٹس جاری کرکے 28 اپریل کو جواب مانگ لیا/ فائل فوٹو
آمدن سے زائد اثاثہ جات: احد چیمہ نے بریت کیلئے درخواست دائر کردی
19 اپریل ، 2023
لاہور: وزیراعظم کے معاون خصوصی احد چیمہ نے بریت کے لیے درخواست دائر کردی۔
وزیراعظم کے معاون خصوصی احد چیمہ نے آمدن سے زائد اثاثوں کے ریفرنس میں بریت کے لیے احتساب عدالت میں درخواست دائر کی ہے۔
نیب نے احد چیمہ کے خلاف آمدن سے زائد اثاثوں کا ریفرنس دائر کیا ہوا ہے۔
احد چیمہ کی جانب سے دائر درخواست میں مؤقف اختیار کیا گیا ہےکہ ان کے خلاف کوئی شواہد سامنے نہیں آسکے لہٰذا ان کو ریفرنس سے بری کرنے کا حکم دیا جائے۔
احتساب عدالت نے احد چیمہ کی درخواست پر نیب کو نوٹس جاری کرکے 28 اپریل کو جواب مانگ لیا۔
