بھارتی اداکارہ اور 2 ماڈلز جسم فروشی کے الزام میں رنگے ہاتھوں گرفتار

بالی وڈ کی کاسٹنگ ڈائریکٹر و اداکارہ آرتی متل کو ممبئی پولیس نے جسم فروشی کے الزام میں رنگے ہاتھوں گرفتار کرلیا۔

بھارتی میڈیا رپورٹس کے مطابق ممبئی پولیس نے  جسم فروشی کی اطلاعات پر خفیہ آپریشن کیا۔

بالی وڈ اداکارہ کا فلم فنانسرپر جنسی استحصال کا الزام، مقدمہ درج

فلم فنانسر نے ایک ویڈیو کیلئے پیسے دینے کا بہانہ بنا کر انہیں جنسی استحصال کا نشانہ بنایا، جان سے مارنے کی دھمکیاں دیں: اداکارہ

پولیس کا کہنا ہے کہ اداکارہ نے 2 ماڈلز کا 60 ہزار بھارتی روپے میں پولیس ایجنٹ سے معاوضہ طے کیا تھا اور ماڈلز کو 15، 15 ہزار روپے دینے کی بات کی تھی تاہم پولیس نے  گورے گاؤں میں ہوٹل سے اداکارہ اور دو ماڈلز کو رنگے ہاتھوں گرفتار کرلیا۔

رپورٹس میں بتایا گیا ہے کہ پولیس نے آپریشن کے دوران ویڈیو بھی بنائی جس کو بطور ثبوت عدالت میں پیش کیا جائے گا۔

رپورٹس کے مطابق پولیس نے اداکارہ آرتی متل کو مقدمہ درج کرکے گرفتار کرلیا ہے جبکہ دونوں ماڈلز کا بیان ریکارڈ کرانے کے بعد ری ہیب سینٹر منتقل کردیا ہے۔

خیال رہے کہ آرتی متل نے کئی ٹی وی ڈراموں اور ویب سیریز میں اداکاری کرچکی ہیں اور اس وقت وہ فلم انڈسٹری میں بطور کاسٹ ڈائریکٹر بھی کام کر رہی ہیں۔