20 اپریل ، 2023 
سرجری کے بعد ٹائیگر ووڈز کا مستقبل خدشات کا شکار
20 اپریل ، 2023
معروف امریکی گالفر ٹائیگر ووڈز کا لمبے عرصے کے لیےگالف کے مقابلوں سے دور ہونے کا خدشہ ہے جس کے بعد ان کا مستقبل شدید خدشات کا شکار ہے۔
میڈیا رپورٹس کے مطابق ٹائیگر ووڈز کے دائیں ٹخنے کی سرجری ہوئی ہے، سرجری سے متعلق گالفر کے سوشل میڈیا اکاؤنٹ سے پیغام جاری کیا گیا ہے۔
آپریشن کی وجہ سے سابق نمبر ون امریکی گالفر لمبے عرصے تک گالف نہیں کھیل سکیں گے، یو ایس ماسٹرز میں ٹائیگر ووڈز کی کارکردگی اوسط سے بھی کم درجے کی رہی۔
ٹائیگر تیسرے راؤنڈ کے آغاز سے قبل دستبردار ہوگئے تھے۔
ٹائیگر ووڈز کے ایجنٹ کے مطابق امریکی گالفر ان دنوں آرام کر رہے ہیں اور جلد ریکوری کا عمل شروع کریں گے، تاہم ان کی واپسی کب ہوگی اس کا وقت نہیں دیا جاسکتا۔
واضح رہے کہ ٹائیگر ووڈز فروری 2021 میں شدید کارحادثے کا شکار ہوئے تھے، ان کی ہڈیاں کئی جگہ سے ٹوٹ گئی تھیں جس کے بعد ٹائیگر کو متعدد سرجریوں سے گزرنا پڑا۔
مزید خبریں :
بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار
19 نومبر ، 2024
شاہد اسلم قومی کرکٹ ٹیم کے بیٹنگ کوچ مقرر
19 نومبر ، 2024
