26 اپریل ، 2023 
پاکستان نے نیشنل امیچر گالف چیمپئن شپ میں جے وردھنے ٹرافی جیت لی
26 اپریل ، 2023
نیشنل امیچر گالف چیمپئن شپ میں پاکستان نے جے آر جے وردھنے ٹرافی جیت لی۔
لاہور کے جمخانہ گالف کلب میں پاکستان اورسری لنکا کے گالفرز کے درمیان جے آر جے وردھنے ٹرافی کیلئے 18 ہولز کے میچ میں مقابلہ ہوا۔
میچ کے دوران پاکستان کے سلمان جہانگیر نے 72 اسٹروکس اور قاسم علی خان نے 76 اسٹروکس اسکور کیا، مجموعی طور پر پاکستان کا اسکور 148 اسٹروکس رہا جبکہ سری لنکا کے گالفرز نے مجموعی طور پر155 اسٹروکس اسکور کیا۔
جے آر جے وردھنے ٹرافی کیلئے ہونے والے 18 ہولز کے میچ میں پاکستان نے سات اسٹروکس کے فرق سے کامیابی حاصل کی۔
واضح رہے کہ نیشنل امیچر گالف چیمپیئن شپ لاہور کے جمخانہ کلب میں جاری ہے، 29 اپریل تک جاری رہنے والی چیمپئن شپ کے دوران امیچرز، سینیئر امیچرز، خواتین، بین الصوبائی ٹرافی اور انٹرنیشنل میچ ٹرافی کیلئے بھی مقابلے ہوں گے۔
