13 جولائی ، 2023 
پاکستان
اب کسی بھی ہنگامی صورتحال میں کراچی کی پروازوں کو ملتان کا رخ کرنا پڑے گا— فوٹو: فائل
نواب شاہ کی بجائے ملتان کو کراچی کا متبادل ائیرپورٹ قرار دے دیا گیا
13 جولائی ، 2023
نواب شاہ ائیرپورٹ کی بجائے ملتان کو کراچی کا متبادل ائیرپورٹ قرار دے دیا گیا ہے۔
کسی ہنگامی صورتحال میں کراچی ائیرپورٹ کی پروازوں کو نواب شاہ ائیرپورٹ لینڈ کرایا جاتا تھا۔ ایوی ایشن ذرائع کے مطابق اب نواب شاہ کا کراچی کے متبادل ائیرپورٹ کا درجہ ختم کر دیا گیا ہے۔
اب کسی بھی ہنگامی صورتحال میں کراچی کی پروازوں کو ملتان کا رخ کرنا پڑے گا۔ ذرائع کے مطابق کسی بھی ہنگامی صورتحال یا موسم کی خرابی کی صورت میں بھی کراچی کی پروازیں اب ملتان لینڈ کریں گی۔
ترجمان سول ایوی ایشن اتھارٹی نے ملتان ائیرپورٹ کو متبادل ائیرپورٹ کا درجہ دینے کی تصدیق کی ہے۔
