09 اگست ، 2023 
ٹرینٹ بولٹ اور کائل جیمیسن کی نیوزی لینڈ اسکواڈ میں واپسی ہوگئی
09 اگست ، 2023
فاسٹ بولر ٹرینٹ بولٹ اور کائل جیمیسن کی نیوزی لینڈ اسکواڈ میں واپسی ہو گئی ہے۔
نیوزی لینڈ کرکٹ نے انگلینڈ اور متحدہ عرب امارات (یو اے ای) کے خلاف سیریز کے لیے اسکواڈز کا اعلان کر دیا، بلیک کیپس نے یو اے ای میں ٹی ٹوئنٹی جب کہ انگلینڈ میں ون ڈے اور ٹی ٹوئنٹی سیریز کھیلنی ہے۔
فاسٹ بولر ٹرینٹ بولٹ ایک سال سے بھی زیادہ عرصے کے بعد ٹیم میں واپس آئے ہیں جب کہ کائل جیمیسن کی کمر کی انجری سے چھٹکارا پانے کے بعد واپسی ہوئی ہے۔
دوسری جانب مارک چیپمین اور جمی نیشم فیملی کمٹمنٹ کی وجہ سے دستیاب نہیں ہیں جب کہ گھٹنے کا ری ہیب کرنے والے کین ولیمسن ٹریننگ کے لیے ٹیم کے ہمراہ ہوں گے۔
انگلینڈ اور یو اے ای کے خلاف ٹی ٹوئنٹی میچز میں ٹیم کی قیادت ٹم ساؤتھی اور انگلینڈ کے خلاف ون ڈے سیریز میں ٹیم کی قیادت ٹام لیتھم کریں گے۔
یو اے ای میں ٹی ٹوئنٹی میچز 17، 19 اور 20 اگست کو کھیلے جائیں گے، انگلینڈ میں ٹی ٹوئنٹی میچز 30 اگست، یکم، 3 اور 5 ستمبر جب کہ ون ڈے میچز 8، 10، 13 اور 14 ستمبر کو ہوں گے۔
نیوزی لینڈ کرکٹ ٹیم ستمبر کے آخر میں بنگلادیش میں بھی تین ون ڈے میچز کھیلے گی۔
