10 اگست ، 2023 
ایشیا کپ کے میچز کیلئے قذافی اسٹیڈیم لاہور میں کیا تیاریاں جاری ہیں؟
10 اگست ، 2023
ایشیا کپ کے قذافی اسٹیڈیم لاہور میں ہونے والے میچز کے لیے گراؤنڈ اور پچز کی تیاری کا کام تیزی سے جاری ہے۔
قذافی اسٹیڈیم لاہور نے ہائی برڈ ماڈل کے تحت ہونے والے ایشیا کپ کے3 میچز کی میزبانی کرنا ہے، ان میچز کے لیے قذافی اسٹیڈیم کی گراؤنڈ اور پچز کی تیاری کا کام تیزی سے جاری ہے ۔
گراؤنڈ ہمیشہ کی طرح ابھی سے ہی دلکش منظر پیش کر رہاہے جبکہ اسکوائر بھی تکمیل کے آخری مرحلے میں ہے ۔
اسکوائر میں آسٹریلین مٹی سے بھی ایک باؤنسی ٹریک تیار کیا گیا ہے جبکہ میچز کے 3 وکٹوں کو تیار کیا جا رہاہے ْ۔
قذافی اسٹیڈیم لاہور میں3 ستمبر کو بنگلا دیش اور افغانستان اور 5 ستمبر کو سری لنکا اور افغانستان کے درمیان میچ کھیلا جائے گا ۔
جس کے بعد 6 ستمبر کو سپر فور مرحلے کا میچ پہلا میچ قذافی اسٹیڈیم میں ہوگا ۔
ایشیا کپ کیلئے پاکستان کرکٹ ٹیم کا اعلان
واضح رہے کہایشیا کپ اور افغانستان کے خلاف ون ڈے سیریز کیلئے پاکستان کرکٹ ٹیم کا اعلان کردیا گیا، فہیم اشرف، طیب طاہر اور سعود شکیل کو اسکواڈ کا حصہ بنایا گیا ہے۔
گزشتہ رو پاکستان کرکٹ ٹیم کے چیف سلیکٹر انضمام الحق نے ایشیا کپ کیلئے 17 رکنی اور افغانستان کے خلاف ون ڈے سیریز کیلئے 18 رکنی اسکواڈ کا اعلان کیا ہے۔
