16 اگست ، 2023 
کراچی پولیس مقابلے میں 5 ڈاکوؤں کی ہلاکت کا معاملہ، ویڈیو سامنے آگئی
16 اگست ، 2023
نارتھ کراچی میں ہونے والے مبینہ پولیس مقابلے میں 5 ڈاکوؤں کی ہلاکت کے معاملے میں واقعے سے پہلے کی سی سی ٹی وی منظر عام پر آ گئی ہے۔
جیو نیوز کو موصول سی سی ٹی وی ویڈیو میں ایک سفید گاڑی اور ایک موٹر سائیکل کو گھر کے باہر دیکھا جا سکتا ہے، گاڑی سے 5 ملزمان اتر کر گھر کی طرف جاتے ہیں، ملزمان رات ایک بجکر 12 منٹ پر گھر کی طرف جاتے ہیں۔
دوسری جانب ایس ایس سینٹرل معروف عثمان کا کہنا ہے کہ نارتھ کراچی پولیس مقابلے میں ہلاک ڈاکوؤں میں سے تین کی شناخت کرلی گئی ہے، ڈاکوؤں کی شناخت پائندہ خان، عبداللہ اور عمران کے ناموں سے ہوئی ہے۔
ایس ایس ہی معروف عثمان کا کہنا ہے کہ پائندہ خان اور عبداللہ کا کرمنل ریکارڈ بھی ملا ہے، پائندہ خان اور عبداللہ کے خلاف مختلف تھانوں میں مقدمات درج ہیں جبکہ تیسرے ڈاکو عمران کا تاحال کوئی کرمنل ریکارڈ نہیں ملا۔
معروف عثمان کا کہنا ہے کہ ہلاک باقی دو ڈاکوؤں کی شناخت تاحال نہیں ہو سکی ہے، ابتدائی معلومانت کے مطابق ملزمان سفیدگاڑی میں آئے تھے۔
ایس ایس پی معروف عثمان نے کہا کہ ملزمان کے دو ساتھی دوران مقابلہ گاڑی لےکر فرار ہو گئے، گاڑی سے متعلق تفصیلات حاصل کی جارہی ہیں۔
انہوں نے بتایا کہ ڈاکوؤں کا گروہ گھر میں لوٹ مار کے لیے داخل ہوا تھا، پولیس کے پہنچنے پر مقابلہ ہوا تھا۔
مزید خبریں :
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
