17 اگست ، 2023 
کراچی میں سچل تھانے کی پولیس موبائل پرگشت کے دوران دستی بم حملہ، 3 اہلکار شدید زخمی
17 اگست ، 2023
کراچی میں سچل تھانے کی پولیس موبائل پرگشت کے دوران نامعلوم افراد کی جانب سے دستی بم حملہ کیا گیا جس کے نتیجے میں3 اہلکار شدید زخمی ہوگئے۔
عینی شاہدین کے مطابق حملہ آور موٹر سائکل پر تھے ، انہوں نے ماسک پہنا ہوا تھا، زخمیوں کو قریبی اسپتال منتقل کردیا گیا ہے۔
ذرائع کا کہناہے کہ نامعلوم حملہ آور اندھیرے کا فائدہ اُٹھاتے ہوئے فرار ہونے میں کامیاب ہوگئے۔
تاہم پولیس، رینجرز اور باقی قانون نافذ کرنے والے ادارے موقع پہ پہنچ گئے ۔
ایس ایس پی ایسٹ زبیر نظیر شیخ کا کہنا ہے کہ واقعہ رم جھم اپارٹمنٹس کے قریب ہوا، پولیس موبائل پر دستی بم حملہ کیا گیا یا کریکر دھماکا ہے ،تعین کر رہے ہیں۔
انہوں نے بتایا کہ حملے میں کوئی جانی نقصان نہیں ہوا، اہلکاروں کی حالت خطرے سے باہر ہے۔
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
