مقبوضہ کشمیر میں صحافی کی کوئی بھی خبر آخری ثابت ہو سکتی ہے

برطانوی نشریاتی ادارے کا کہنا ہے کہ بھارتی حکومت پریس کو ڈرانے اور خاموش کرنے کی مذموم منظم مہم چلا رہی ہے، وہاں کسی صحافی کی کوئی بھی خبر اس کی آخری خبر ثابت ہو سکتی ہے۔

رپورٹ کے مطابق بھارت کی جانب سے مقبوضہ کشمیر میں صحافیوں کے خلاف کریک ڈاؤن کیا گیا، صحافیوں نے حکومتی اقدامات کو اپنے لیے انتباہ قرار دیا ہے۔

برطانوی نشریاتی ادارے نے اپنی رپورٹ  میں کہا کہ کشمیری صحافیوں سے چھپ کر ملنا پڑا، بھارتی حکومت کے خلاف الزامات پر مقامی انتظامیہ اور پولیس نے جواب نہیں دیا، الٹا قانونی کارروائی کی دھمکیاں دیں۔

برطانوی نشریاتی ادارے کے مطابق بھارتی حکومت کے خلاف الزامات کی تحقیقات میں سال سے زیادہ عرصہ لگا ہے۔