15 ستمبر ، 2023 
ایشیا کپ: پاکستان ٹیم سری لنکا سے وطن واپسی کیلئے کب روانہ ہو گی؟
15 ستمبر ، 2023
ایشیا کپ کے سپر فور مرحلے کے اہم میچ میں سری لنکا سے شکست کے ساتھ ایونٹ میں اپنے سفر کو اختتام پذیر کرنے والی پاکستان ٹیم آج سری لنکا سے وطن واپسی کیلئے روانہ ہوگی۔
ذرائع کے مطابق قومی ٹیم کے کپتان بابراعظم، شاہین آفریدی، محمد رضوان افتخار احمد اور سعود شکیل آج صبح سری لنکا سے دبئی روانہ ہوں گے۔
ذرائع کا کہنا ہے کہ دبئی پہنچنے کے بعد کرکٹرز دبئی سے اپنے اپنے شہروں کو روانہ ہوں گے۔
ذرائع کے مطابق قومی ٹیم کے بولنگ کوچ مورنی مورکل اور بیٹنگ کوچ اینڈریو پیوٹک آسٹریلیا اور جنوبی افریقا روانہ ہوں گے۔
ذرائع کا بتانا ہے کہ قومی اسکواڈ کے باقی ارکان بھی آج شام دبئی کے بعد اپنے اپنے شہروں کو روانہ ہوں گے۔
یاد رہے کہ ایشیا کپ کے سپر فور مرحلے کے اہم میچ میں دفاعی چیمپئن سری لنکا نے پاکستان کو سنسنی خیز مقابلے کے بعد شکست دے کر فائنل کیلئے کوالیفائی کرلیا ہے، شکست کے بعد گرین شرٹس کا ٹورنامنٹ میں سفر ختم ہوگیا۔
سری لنکا نے پاکستان کا 252 رنز کا ہدف میچ کی آخری گیند پر 8 وکٹوں کے نقصان پر پورا کیا۔
سری لنکا کے کوشل مینڈس 91 رنز بنا کر نمایاں رہے، سری لنکا کو جیت کیلئے آخری گیند پر 2 رنز درکار تھے۔
اس جیت کے ساتھ سری لنکا ایشیا کپ کے فائنل میں پہنچ گیا جہاں اس کا مقابلہ اتوار کو بھارت سے ہوگا۔
مزید خبریں :
لیور پول نے انگلش پریمیئر لیگ کا ٹائٹل جیت لیا
28 اپریل ، 2025
پی ایس ایل 10 کے 2 میچ ری شیڈول کر دیےگئے
27 اپریل ، 2025
آئی پی ایل میں امپائرز کو ایک میچ کی کتنی فیس ملتی ہے؟
27 اپریل ، 2025
