15 ستمبر ، 2023 
پاکستان
متوفی محمد فیاض اپنی فیملی کے ہمراہ نجی ائیر لائن کی پرواز ای آر 502 سے اسلام آباد جانے کے لیے کراچی ائیر پورٹ پر پہنچا تھا۔ فوٹو جیو نیوز
اسلام آباد جانیوالا مسافر کراچی ائیرپورٹ پر انتقال کرگیا
15 ستمبر ، 2023
کراچی سے اسلام آباد کا مسافر جناح انٹر نیشنل ائیر پورٹ پر انتقال کر گیا۔
متوفی محمد فیاض اپنی فیملی کے ہمراہ نجی ائیر لائن کی پرواز ای آر 502 سے اسلام آباد جانے کے لیے کراچی ائیر پورٹ پر پہنچا تھا تاہم ائیر پورٹ لاؤنج میں داخل ہونے کے بعد مسافر کی طبیعت خراب ہوئی۔
مسافر محمد فیاض کی جناح انٹر نیشنل ائیر پورٹ پر طبیعت کی خرابی کے بعد ائیر پورٹ ہیلتھ ڈپارٹمنٹ کے ڈاکٹرز نے طبی جانچ کی اور ڈاکٹرز کی ٹیم کے طبی معائنے کے بعد مسافر محمد فیاض کی موت کی تصدیق کر دی گئی۔
ڈاکٹرز کی رپورٹ میں بتایا گیا ہے کہ مسافر پہلے سے بیمار تھا اور یرقان کے مرض میں مبتلا تھا۔
