24 ستمبر ، 2023 
شکارپور میں پولیس کی کارروائی، چینی اور کھاد سے لدے 11 ٹرک قبضے میں لے لیے
24 ستمبر ، 2023
پولیس حکام کا کہنا ہے کہ حساس اداروں کی اطلاع پر شکارپور پولیس کی جانب سے کارروائی کرتے ہوئے چینی اور کھاد سے لدے 11 ٹرک قبضے میں لے کر 4 افراد کو گرفتار کر لیا گیا۔
حکام کے مطابق قومی شاہراہ پر کی گئی کارروائی کے دوران قبضے میں لیے گئے 7 ٹرکوں میں 280 ٹن چینی اور 4 ٹرکوں میں کھاد کے 5 ہزار 4 سو بیگ ہیں۔
پولیس حکام کے مطابق قبضے میں لیے گئے ٹرکوں کے ذریعے چینی اور کھاد کو افغانستان منتقل کرنے کی کوشش کی جارہی تھی جسے شکارپور پولیس نے بروقت کارروائی کرتے ہوئے ناکام بنادیا۔
حکام کا کہنا تھا کہ چینی اور کھاد کو محکمہ خوراک کے گوداموں میں منتقل کیا جا رہا ہے، جبکہ کارروائی کے دوران گرفتار کیے گئے 4 ملزمان کے خلاف قانونی کارروائی کی جا رہی ہے۔
دوسری جانب لاڑکانہ کے مختلف علاقوں میں کارروائی کر کے نجی گودام سےگھی کے 7 ہزار کارٹن اور چینی کی600 بوریاں برآمد کرکے دو گودام بھی سیل کردیے گئے۔
مزید خبریں :
ناراض بیوی نے شوہر کی بھینسوں اور گائے کو زہردیدیا
9 گھنٹے پہلے
