27 ستمبر ، 2023 
اسٹریٹ کرمنلز کو ہرگز نہ چھوڑا جائے: آئی جی سندھ
27 ستمبر ، 2023
کراچی: آئی جی سندھ نے بڑھتی کرائم کی وارداتوں کی روک تھام اور منشیات کیخلاف ایکشن لینے کی ہدایت دے دی۔
آئی جی سندھ رفعت مختار کی زیرصدارت امن وامان کی صورتحال پراجلاس ہوا جس میں آئی جی نے پولیس کو سنجیدہ اقدامات کرنے اور کرائم کنٹرول کرنے کی ہدایت دی۔
آئی جی سندھ نے اجلاس میں گفتگو کرتے ہوئے کہا کہ منشیات کے خلاف بڑا ایکشن لیں جس کیلئے فہرستیں آپ سب کو اسپیشل برانچ نے دی ہیں۔
آئی جی سندھ نے منشیات اور گٹکا مافیاز کی فہرستیں ترتیب دینے پر اسپیشل برانچ کے کام کو سراہا اور گٹکا مافیا کے خلاف ایکشن جاری رکھنے کا حکم دیا۔
انہوں نے کہا کہ صوبے میں اسٹریٹ کرمنلز کو ہر گز نہ چھوڑیں، ڈاکوؤں کے خلاف انٹیلی جنس معلومات کی بنیاد پر آپریشن جاری رکھیں، ایف آئی آر درج نہ کرنے پر سخت محکمانہ ایکشن لیا جائے گا۔
آئی جی سندھ کا کہنا تھا کہ سائل کی داد رسی نہ کرنا عذاب بن کر کسی نہ کسی پر گرتا ہے، ایس ایس پیز کے پاس مکمل اختیار ہیں، آزادانہ کام کریں،آپ کی بھرپور رہنمائی کے لیے میں موجود ہوں، ہر ماہ اجلاس میں کرائم اور باالخصوص سنگین جرائم کا جائزہ لوں گا۔
مزید خبریں :
بھکر میں خواتین کے ساتھ زیادتی کرنے والا جعلی پیر گرفتار
24 دسمبر ، 2024
میاں بیوی کے جھگڑے میں مداخلت پر ہمسایہ نوجوان قتل
24 دسمبر ، 2024
فیصل آباد میں ڈاکوؤں نے ایک اور ڈلیوری بوائے سے پیزا چھین لیا
23 دسمبر ، 2024
لاہور:گھریلو ملازمہ 20 لاکھ روپے اور 20 تولے سونا لے کر فرار
23 دسمبر ، 2024
ناراض بیوی نے شوہر کی بھینسوں اور گائے کو زہردیدیا
23 دسمبر ، 2024
