17 دسمبر ، 2023 
کوئی آپ کو لائے اور آپ اسکی نہ سنیں تو نتیجہ پی ٹی آئی کی صورت میں سامنے ہے: پرویز خٹک
17 دسمبر ، 2023
سربراہ پی ٹی آئی پارلیمینٹرین پرویز خٹک کا کہنا ہے بانی پی ٹی آئی عمران خان ہٹ دھرمی کرتے اور کسی کی نہیں سنتے تھے صرف اپنی چلاتے تھے۔
جیو نیوز سے خصوصی گفتگو کرتے ہوئے پرویز خٹک کا کہنا تھا آپ سارا وقت کسی سے اپنی خدمت نہیں کروا سکتے،کچھ سننا بھی پڑتا ہے، فیصلے یکطرفہ نہیں ہوتے لیکن خان صاحب اپنی مرضی کرتے تھے اور کسی کی رائے نہیں لیتے تھے۔
پرویز خٹک کا کہنا تھا جنرل ریٹائرڈ فیض کے ساتھ بانی پی ٹی آئی کے اچھے تعلقات تھے، وہ جنرل فیض کو سپورٹ کرتے اور ان کی مدد بھی کرتے تھے۔
سربراہ پی ٹی آئی پی نے کہا کہ عمران خان اسٹیبلشمنٹ کے ساتھ بھی ایسا ہی کرتے تھے لیکن کوئی آپ کو لے کر آئے اور آپ اس کی نہ سنیں تو نتیجہ آپ کے سامنے ہے۔
یاد رہے کہ اس سے قبل بھی پرویز خٹک عمران خان کو تنقید کا نشانہ بنا چکے ہیں اور ان کا کہنا تھا کہ کے پی میں صحت کارڈ ان کا منصوبہ تھا، عمران خان کہتے ہیں انہیں مقبولیت حاصل ہے انہیں الیکشن میں اس کا اندازہ ہو جائے گا۔
