14 جنوری ، 2024 
پاکستان
لاہور ہائیکورٹ نے کیس کی سماعت میں اعجاز چوہدری کی اپیلٹ ٹریبونل کے فیصلے کے خلاف درخواست خارج کردی__فوٹو: فائل
اعجاز چوہدری کی اپیلٹ ٹربیونل کیخلاف اپیل خارج، لاہور سے الیکشن لڑنے کی اجازت نہ ملی
14 جنوری ، 2024
پاکستان تحریک انصاف (پی ٹی آئی) کے رہنما اعجاز چوہدری کو این اے 127 لاہور سے الیکشن لڑنے کی اجازت نہ ملی۔
لاہور ہائیکورٹ نے اعجاز چوہدری کی کاغذات نامزدگی مسترد کرنے کے اپیلٹ ٹربیونل کے فیصلے کے خلاف دائر درخواست پر سماعت کی۔
لاہور ہائیکورٹ نے اپیلٹ ٹربیونل اور ریٹرننگ آفیسر کا کاغذات نامزدگی مسترد کرنے کا فیصلہ برقرار رکھتے ہوئے اعجاز چوہدری کی درخواست خارج کر دی۔
خیال رہے کہ عمران خان اور سابق وفاقی وزیر فواد چوہدری کی اہلیہ حبا سمیت دیگر کارکنان کے کاغذات نامزدگی مسترد کرنے کے خلاف درخواستوں پر سماعت آج ہوگی۔
