07 فروری ، 2024 
پاکستان
لاہور میں صارفین جتنا پانی استعمال کریں گے اتنا ہی بل دینگے، واسا— فوٹو:فائل
رواں ماہ لاہور میں پانی کے میٹرز نصب کردیے جائیں گے، واسا نے عدالت کو آگاہ کر دیا
07 فروری ، 2024
واٹر اینڈ سینیٹیشن ایجنسی (واسا) نے لاہور ہائیکورٹ کا آگاہ کیا ہے کہ رواں ماہ کے آخر تک لاہور میں پانی کے میٹرز نصب کردیے جائیں گے، صارفین جتنا پانی استعمال کریں گے اتنا ہی بل دینگے۔
لاہور ہائیکورٹ نے اسموگ کے تدارک کیلئے دائر درخواستوں کا تحریری فیصلہ جاری کردیا۔
لاہور ہائیکورٹ کے جسٹس شاہد کریم نے گزشتہ سماعت کا تحریری حکم جاری کیا۔
عدالت نے فیصلے میں لکھا ہے کہ واسا رپورٹ کے مطابق اس ماہ کے آخر تک پانی کے میٹرز نصب کردیے جائیں گے، صارفین جتنا پانی استعمال کریں گے اتنا پانی کا بل ادا کریں گے۔
عدالت نے کہا کہ واسا رپورٹ کے مطابق جوہر ٹاؤن میں کیفیز کے خلاف ایکشن کیلئے ٹاسک فورس تشکیل دے دی گئی ہے۔
