فاسٹ بولر نسیم شاہ نے سُروں کے تال سے تال ملا دیے، قوالی کی ویڈیو وائرل

پاکستانی فاسٹ بولر نسیم شاہ اس بار  پاکستان سپر لیگ (پی ایس ایل) 9 میں اسلام آباد یونائیٹڈ کی ٹیم کا حصہ بنے ہیں۔

اپنی تیز بولنگ سے مخالف بیٹر کے ہوش اڑانے والے نسیم شاہ کھیل کے میدان  میں تو بہترین کارکردگی دکھاتے ہی ہیں لیکن اس کے ساتھ ساتھ نسیم شاہ گانا گانے کا بھی شوق رکھتے ہیں اور اس حوالے سے ماضی میں بھی ان کی متعدد ویڈیوز سامنے  آ چکی ہیں۔

اب پی ایس ایل ٹیم اسلام آباد یونائیٹڈ کی جانب سے ایک ویڈیو کلپ جاری کیا گیا ہے جس میں نسیم شاہ سے دلچسپ سوال و جواب کے ساتھ ساتھ ان سے سُروں کے تال بھی لگوائے گئے ہیں۔

ویڈیو میں دیکھا جا سکتا ہے کہ فاسٹ بولر کے سامنے مائیک  رکھا گیا اور انہوں نے ہیڈ فون میں لیجنڈ گلوکار راحت فتح علی خان کی قوالی 'کالی کالی زلفیں' گا کر سنائی۔

ویڈیو میں نسیم شاہ نے اپنی ہی گلوکاری کا مذاق اڑاتے ہوئے کہا کہ بہت فرق ہے راحت فتح علی خان سے یہ چاہت فتح علی خان ہو گیا ہے۔

پی ایس ایل 9 کی افتتاحی تقریب میں کونسے فنکار پرفارم کریں گے؟

پاکستان سپر لیگ کی افتتاحی تقریب 17 فروری کو شام06:30 بجے شروع ہو گی۔ شائقین کرکٹ کا داخلہ 03:30 بجے شروع ہوجائے گا۔

پی ایس ایل: پاکستان کرکٹ بورڈ نے مفت ٹکٹس دینے کا سلسلہ بند کردیا

چیئرمین آفس کی تزین و آرائش کے اخراجات چیئرمین محسن نقوی خود اٹھائیں گے: ذرائع