22 فروری ، 2024 
خواجہ نافع کو کس نے سوشل میڈیا پر اپنی ویڈیوز ڈالنے کا مشورہ دیا؟
22 فروری ، 2024
پاکستان سپر لیگ (پی ایس ایل) کی ٹیم کوئٹہ گلیڈی ایٹرز کے نوجوان بیٹر خواجہ نافع کا کہنا ہے کہ مجھے اپنی محنت پر بھروسہ تھا اسی لیے میں ٹورنامنٹ میں اچھی اننگز کھیلنے میں کامیاب ہوا۔
جیو نیوز سے گفتگو کرتے ہوئے خواجہ نافع کا کہنا تھا میں نے اپنی شاٹس اور اعتماد کے لیے 10 سال محنت کی ہے، مجھے دوست نے سوشل میڈیا اکاؤنٹ بنا کر اپنی شاٹس اپ لوڈ کرنے کا مشورہ دیا تھا، میں نے کوچ سے اجازت لے کر اپنی ویڈیو اپ لوڈ کرنا شروع کیں اور یہی ویڈیو میری شہرت کا باعث بنیں۔
کوئٹہ گلیڈی ایٹرز کے نوجوان بیٹر نے کہا کہ میں نے جب سے کرکٹ کھیلنا شروع کی ہے روہت شرما اور بابر اعظم کو فالو کیا ہے، روہت شرما سب بولرز کو سافٹ ہینڈ سے چھکے مارتے ہیں جبکہ بابر اعظم کو جب بھی ٹی وی پر دیکھا ہے وہ رنز ہی اسکور کر رہے ہوتے ہیں، میں ان سے بہت متاثر ہوتا ہوں۔
نوجوان بیٹر کا کہنا تھا میں نے یہاں تک پہنچنے کے لیے بڑی محنت اور پریکٹس کی ہے۔
خواجہ نافع نے مزید کہا کہ ٹیم مینجمنٹ کے اراکین بہت اعتماد دیتے ہیں، غیر معمولی اننگز کھیلنے کے بعد اسی ردھم کو برقرار رکھنے کا کوئی دباؤ نہیں ہوتا، میں اپنے پلان کے مطابق کھیلتا ہوں، جب دباؤ ہو گا تو اس کو دیکھ لیں گے۔
انہوں نے بتایا کے کوئٹہ گلیڈی ایٹرز کے سابق کپتان سرفراز احمد یہی کہتے ہیں کہ جاؤ وہ کرو جو تم نے سیکھا ہے۔
انہوں نے کہا کہ پی ایس ایل میں میرا دوسرا میچ تھا، ابھی 8 میچز ہیں ان میں اچھا پرفارم کرنا چاہوں گا، ابھی کے لیے صرف پی ایس ایل ہے، آگے کیا ہو گا وہ بعد میں دیکھیں گے، ہمارا پلان یہی ہے کہ باقی میچز بھی جیتنے ہیں، پھر پلے آف کے بعد فائنل میں پہنچنا اور ٹورنامنٹ جیتنا ہے۔
مزید خبریں :
سابق آسٹریلوی کرکٹر اور کمنٹیٹر انتقال کر گئے
24 اپریل ، 2025
شاداب خان نے پی ایس ایل میں وکٹوں کی سنچری مکمل کرلی
23 اپریل ، 2025
دھونی کا روزانہ 5 لیٹر دودھ پینے کی خبروں پر ردعمل سامنے آگیا
23 اپریل ، 2025
