25 فروری ، 2024 
دنیا
فوٹو: فائل
تقریب میں تیز میوزک بجنے سے شہری ہارٹ اٹیک کے باعث چل بسا
25 فروری ، 2024
بھارت میں تقریب کے دوران بجنے والا تیز آواز میں میوزک ایک شخص کی موت کی وجہ بن گیا۔
انڈین میڈیا کے مطابق ریاست اڑیسہ کے شہر رورکیلا میں ایک مذہبی تقریب کے دوران تیز میوزک کی و جہ سے 50 سالہ شخص کو ہارٹ اٹیک ہوا اور پھر وہ انتقال کر گیا۔
رپورٹ میں بتایا گیا کہ تقریب میں میوزک کے لیے ایک ڈی جی کو بلایا گیا تھا، تاہم تیز آواز میں میوزک سن کر وہاں موجود پریمانتھ نامی شخص دل کا دورہ پڑنے سے زمین پر گیا۔
رپورٹ کے مطابق ہارٹ اٹیک کے باعث زمین پر گرنے کے بعد پریمانتھ کو فوراً اسپتال منتقل کیا گیا لیکن ڈاکٹروں نے ان کی موت کی تصدیق کردی۔
بھارتی میڈیا کے مطابق پولیس نے ڈی جی کو حراست میں لے کر مزید تفتیش شروع کر دی ہے۔
