27 جنوری ، 2013 
خیبر ایجنسی : مختلف گروپوں میں جھڑپیں،3دن میں 61 افراد ہلاک
27 جنوری ، 2013
تیراہ…خیبر ایجنسی کی وادی تیراہ میں گزشتہ تین دنوں سے کالعدم انصار الاسلام اور تحریک طالبان پاکستان کے درمیان جھڑپیں جاری ہیں، جس میں اب تک 61 افراد ہلاک اور درجنوں زخمی ہوگئے ہیں سیکورٹی ذرائع کے مطابق وادی تیراہ کے دور افتادہ علاقہ میدان میں کالعدم تحریک طالبان اور کالعدم انصار الاسلام کے درمیان گزشتہ تین دنوں سے جھڑپوں کا سلسلہ جاری ہے۔۔ جس میں اب تک 61 افراد ہلاک اور درجنوں زخمی ہوگئے ہیں۔ بھاری ہتھیاروں کے استعمال کے باعث سینکڑوں خاندان محفوظ مقام کی جانب نقل مکانی کرچکے ہیں۔ذرائع کے مطابق کالعدم انصار الاسلام مقامی تنظیم ہے اور وہ تحریک طالبان کو اپنے علاقے میں ٹھکانے دینے کو تیار نہیں۔ جبکہ تحریک طالبان وادی تیراہ میں اپنے لیے محفوظ ٹھکانوں کی تلاش میں ہیں یہی وجہ ہے کہ دونوں کے درمیان تصادم جاری ہے۔انصارالاسلام کا کہنا ہے کہ وہ تحریک طالبان کی پاکستان میں دہشت گردی کی کارروائیوں کی حمایت نہیں کرتے اسی لیے وادی تیراہ میں ان کے خلاف مزاحمت کررہے ہیں ۔
مزید خبریں :
پاکستان تحریک انصاف نے وفاقی بجٹ مسترد کردیا
3 گھنٹے پہلے
دفاعی بجٹ میں 20 فیصد اضافےکی تجویز
6 گھنٹے پہلے
