انڈونیشیا میں بارشوں نے تباہی مچا دی، 19 افراد ہلاک، 700 مکانات تباہ

جکارتہ: انڈونیشیا میں کئی روز سے جاری بارشوں نے تباہی مچا دی ہے۔

غیر ملکی خبر رساں ادارے کے مطابق ہفتے کے روز حکام کی جانب سے بتایا گیا کہ انڈونیشیا کے صوبے ویسٹ سماترا میں بارشوں اور اس کے نتیجے میں آنے والے سیلاب اور لینڈ سلائیڈنگ کی وجہ سے کم از کم 19 افراد ہلاک ہوگئے ہیں جبکہ 7 افراد لاپتا ہیں، اس کے علاوہ 70 ہزار افراد کو مجبوراً نقل مکانی بھی کرنی پڑی۔

گزشتے ہفتے سے جاری بارشوں کے نتیجے میں صوبائی دارالحکومت پڈانگ سمیت دیگر علاقوں میں کم و بیش 700 مکانات تباہ ہوگئے اور کئی پُل اور اسکولوں کو نقصان پہنچا جبکہ 113 ہیکٹر زرعی زمین بھی متاثر ہوئی۔

انڈونیشیا کی ریسکیو ایجنسی کے مطابق 150 ریسکیو اہلکار لاپتا افراد کی تلاش میں مصروف ہیں۔ 

انڈونیشیا کی ڈیزاسٹر ایجنسی نے آنے والے دنوں میں مزید بارشوں کے امکان کے پیش نظر سیلاب اور لینڈ سلائیڈنگ سے مزید نقصانات کے حوالے سے خبردار کیا ہے۔

بلوچستان میں سرد ہواؤں کا راج، رات سے مزید تیز ہواؤں کیساتھ تیز بارش کا امکان

مکران، گوادر، تربت، پسنی، اورماڑہ، جیونی، لسبیلہ اور خصدار، خیبر پختونخوا، گلگت بلتستان، مری، گلیات میں بارش اور برفباری کا نیا سلسلہ شروع ہونے کی توقع ہے: محکمہ موسمیات

گوادر میں رات سے جاری بارش سے نشیبی علاقے زیر آب، بلوچستان کے 28 اضلاع میں بارشوں کی پیشگوئی

سندھ کے بعض علاقوں سمیت خیبر پختونخوا،گلگت بلتستان اور کشمیر میں بارش اور پہاڑوں پر برفباری کا امکان ہے: محکمہ موسمیات