’یوکرین پہنچنے پر انعام دیے جانے کا وعدہ کیا گیا تھا‘، ماسکو حملے کے ملزمان کا بیان

ماسکو کے کراکس سٹی ہال میں دہشتگردی کرنیوالے ملزمان نے مبینہ طورپر دعویٰ کیا ہے کہ انہیں یوکرین پہنچنے پر انعام دیے جانے کا وعدہ کیا گیا تھا۔

روسی میڈیا کے مطابق 22 مارچ کو کراکس سٹی ہال میں فائرنگ اور آتش گیر مواد پھینک کر آگ لگانے والے ملزمان سے تفتیش کرنے والے اہلکاروں کا کہنا ہے کہ ایک رابطہ کار کی جانب سے ہدایات ملنے پر دہشتگرد ماسکو میں حملہ کرکے روس یوکرین سرحد کی جانب فرار ہوئے تھے۔

ماسکو: کراکس سٹی ہال پر دہشتگردوں کا حملہ، 60 افراد ہلاک، 115 سے زائد زخمی

تین دہشتگردوں نے لوگوں سے بھرے ہوئے سٹی ہال میں گھس کر انددھا دھند فائرنگ کی، بم پھینکے، عمارت میں آگ لگ گئی: روسی میڈیا

روسی میڈیا کے مطابق ملزمان نے دوران تفتیش بتایا کہ انہیں یوکرین کے دارالحکومت کیف پہنچنے پر انعام دیے جانے کا وعدہ کیا گیا تھا۔

ملزمان نے تفتیش کاروں کو بتایا کہ دہشتگردی کی منصوبہ بندی اور اسے انجام دینے کے بعد وہ ایک مخصوص شخص سے سماجی رابطے کی ویب سائٹ پر رابطے میں تھے۔

واضح رہے کہ ماسکو کے کراکس سٹی ہال میں دہشتگردی کے واقعے میں 144 افراد ہلاک ہوئے تھے۔