گورنر پنجاب کی آج ہونے والی تقریب حلف برداری ناگزیر وجوہات پر ملتوی

لاہور: نامزد گورنر پنجاب سردار سلیم حیدر کی آج ہونے والی تقریب حلف برداری نا گزیر وجوہات کی بناء پر ملتوی کر دی گئی۔

پیپلز پارٹی پنجاب کے رہنما حسن مرتضیٰ کا کہنا ہے کہ گورنرپنجاب کی حلف برداری کی تقریب اب7 مئی بروز منگل شام 6 بجے گورنر ہاؤس میں ہوگی۔ 

حلف برداری کی تقریب آج شام گورنر ہاؤس میں ہونی تھی جہاں چیف جسٹس لاہور ہائیکورٹ جسٹس شہزادخان نے نامزد گورنر  پنجاب سے حلف لینا تھا۔ 

نامزد گورنر  پنجاب سردار سلیم حیدر کا تعلق پنجاب کے ضلع اٹک سے ہے اور  وہ سابق وفاقی وزیر بھی رہے ہیں۔ اس کے علاوہ وہ پیپلزپارٹی راولپنڈی ڈویژن کے صدر بھی ہیں۔

سردار سلیم حیدر  2008 میں اٹک سے این اے 59 سے ایم این اے منتخب ہوئے تھے۔

صدر نے پنجاب، خیبر پختونخوا اور بلوچستان کےگورنروں کی تقرری کی منظوری دے دی

صدر نے سردار سلیم حیدر کی بطورگورنر پنجاب، فیصل کریم کنڈی کی بطور گورنر خیبر پختونخوا اور جعفر مندو خیل کی بطور گورنر بلوچستان تعیناتی کی منظوری دی

پیپلز پارٹی نے سردار سلیم حیدر کو پنجاب، فیصل کریم کنڈی کو خیبر پختونخوا کا گورنر نامزد کر دیا

چیئرمین پاکستان پیپلز پارٹی بلاول بھٹو زرداری کا کہنا ہے کہ وہ پراعتماد ہیں کہ یہ دونوں رہنما اپنےفرائض بخوبی سرانجام دیں گے۔