کراچی میں انٹرمیڈیٹ کے امتحانات کب سے ہوں گے؟ فیصلہ ہوگیا

اعلیٰ ثانوی تعلیمی بورڈ کراچی کے تحت ہونے والے انٹر کے پرچے یکم جون سے ہوں گے۔

اعلیٰ ثانوی تعلیمی بورڈ کراچی نے وزیر یونیوسٹیز اینڈ بورڈز کی ہدایت پر اعلان کیا ہے کہ کراچی میں انٹرمیڈیٹ کے سالانہ امتحانات 28 مئی کے بجائے یکم جون سے شروع ہوں گے۔

تفصیلات کے مطابق گرم موسم کی وجہ سے میٹرک کے امتحانات کے ملتوی شدہ پرچے اب 28مئی سے ہوں گے جبکہ انٹرکے امتحانات کیلئے 21 ایسے ہائر سیکنڈری اسکولز کو بھی امتحانی مرکز بنایا گیا ہے جہاں میٹرک کے امتحانات بھی ہونے ہیں۔

ہیٹ ویو کے پیش نظر سندھ بھر میں انٹرمیڈیٹ کے امتحانات ملتوی کردیےگئے

انٹر کے امتحانات 22 مئی کے بجائے اب 27 مئی سے شروع ہوں گے، ترجمان وزیر اعلیٰ سندھ

ان یکساں 21 امتحانی مراکز میں بیک وقت میٹرک اور انٹربورڈز کے امتحانات کا انعقاد ممکن نہیں ہے اس لیے انٹربورڈ کراچی نے انٹرمیڈیٹ حصہ اول، حصہ دوم کے سالانہ امتحانات کی تاریخ آگے بڑھانے کا فیصلہ کیا ہے۔

نئی تاریخوں کے مطابق انٹرمیڈیٹ حصہ اول، حصہ دوم کے سائنس پری میڈیکل، پری انجینئرنگ، سائنس جنرل اور ہوم اکنامکس گروپس کے فریش، فیلیئر، امپروومنٹ آف گریڈ، ٹی پی (بارہ پرچے)، ایڈیشنل سبجیکٹ، شارٹ سبجیکٹ اور اسپیشل چانس کے امیدواروں کے امتحانات یکم جون سے شروع ہوں گے۔