07 جون ، 2024
کراچی میں شہری کولٹتا دیکھ کر نامعلوم شخص نے فائرنگ کر دی جس کے نتیجے میں ایک ڈاکو ہلاک جبکہ دوسرا فرار ہوگیا۔
فائرنگ کا واقعہ کراچی کے علاقے ناظم آباد انڈرپاس میں پیش آیا جہاں ڈاکو ایک شہری کو لوٹ رہے تھے کہ اسی دوران ایک نامعلوم شخص نے ڈاکوؤں پر فائرنگ کردی جس کے نتیجے میں ایک ڈاکو موقع پر ہی ہلاک ہوگیا جبکہ دوسرا فرار ہونے میں کامیاب ہوگیا۔
پولیس کے مطابق نامعلوم شہری کی فائرنگ کی زد میں آکر دو شہری بھی زخمی ہوئے جبکہ فائرنگ کرنے والے کو تلاش نہ کیا جا سکا۔
دوسری جانب کراچی کے علاقے نیو کراچی میں بھی فائرنگ کا واقعہ پیش آیا جس کے نتیجے میں ایک نوجوان جاں بحق ہوگیا۔