25 جولائی ، 2024 
پختونخوا میں رواں سال دہشتگرد حملوں میں 563 افراد شہید و زخمی ہوئے، رپورٹ جیو نیوز کو موصول
25 جولائی ، 2024
خیبر پختونخوا میں رواں سال اب تک دہشت گرد حملوں میں 563 افراد شہید یا زخمی ہوئے۔
جیو نیوز کو موصول سی ٹی ڈی رپورٹ کے مطابق خیبر پختونخوا میں رواں سال دہشتگرد حملوں میں 563 افراد شہید یا زخمی ہوئے، سب سے زیادہ 76 پولیس اہلکار شہید جبکہ 113 زخمی ہوئے۔
سی ٹی ڈی رپورٹ کے مطابق صوبے میں رواں سال 65 عام شہری شہید جبکہ 98 افراد زخمی ہوئے، فورسز کے 39 جوان شہید اور 87 زخمی ہوئے، ایف سی کے 29 اہلکار شہید اور 41 ایف سی جوان زخمی ہوئے۔
رپورٹ کے ڈی آئی خان میں دہشتگردوں نے قانون نافذ کرنے والے اداروں کے 7 افراد کو شہید جبکہ 2 اہلکاروں کو زخمی کیا۔
رواں سال اب تک دہشتگردوں نے باجوڑ اور شمالی وزیرستان میں 4 سیاست دانوں کو شہید اور 2 کو زخمی کیا۔
سی ٹی ڈی رپورٹ کے مطابق ڈیرہ اسماعیل خان میں سب سے زیادہ 23 پولیس اہلکار شہید اور 23 زخمی ہوئے، بنوں میں 12 پولیس اہلکار شہید اور 12 زخمی ہوئے، باجوڑ میں 11 اہلکار شہید اور 32 زخمی ہوئے۔
جیو نیوز کو موصول رپورٹ کے مطابق پشاور میں دہشتگردوں کے ہاتھوں 11 پولیس اہلکار شہید جبکہ 11 زخمی ہوئے۔
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
