29 جولائی ، 2024 
پاکستان
ریڈ لائن بی آر ٹی پروجیکٹ 26 کلومیٹر طویل روٹ پر مشتمل ہے جو ملیر ہالٹ سے شروع ہوکر نمائش چورنگی تک جائیگا/ فائل فوٹو
بی آر ٹی ترقیاتی کام کے باعث صفورا سے سمامہ تک یونیورسٹی روڈ کے دونوں ٹریک بند
29 جولائی ، 2024
کراچی میں بی آر ٹی ریڈ لائن کے ترقیاتی کام کے باعث صفورا سے سمامہ تک مین یونیورسٹی روڈ کےدونوں ٹریک بند کر دیے گئے۔
ٹریفک پولیس کے مطابق نیپا سےٹریفک ڈاؤ ٹرننگ اور سچل کے راستے صفورا بھیجا جارہا ہے جب کہ صفورا سےٹریفک جوہر چورنگی اور سمامہ سے نیپا بھیجاجارہاہے۔
چند دن قبل اجلاس میں وزیراعلیٰ سندھ کو بتایا گیا تھا کہ ریڈ لائن بس کے ملیر ہالٹ سے موسمیات روٹ ون اور موسمیات سے نمائش روٹ 2 پر کام جاری ہے، روٹ ون کا کام مارچ 2026 اور روٹ 2 کا کام جون 2026 میں مکمل ہوگا۔
یاد رہے کہ ریڈ لائن بی آر ٹی پروجیکٹ 26 کلومیٹر طویل روٹ پر مشتمل ہے جو ملیر ہالٹ سے شروع ہوکر نمائش چورنگی تک جائیگا جب کہ اس منصوبے کا آغاز 2022 میں ہوا تھا۔
