دہشتگرد تنظیموں کیخلاف اداروں کی مشترکہ انٹیلیجنس کی بنیاد پر آپریشنز کا فیصلہ

نیشنل کاؤنٹر ٹیرر ازم اتھارٹی (نیکٹا) کانفرنس میں دہشت گرد تنظیموں کے خلاف اداروں کی مشترکہ انٹیلی جنس کی بنیاد پر آپریشنز کا فیصلہ کرلیا گیا۔

نیکٹا کی ماہانہ کاؤنٹر ٹیررازم انٹیلی جنس کانفرنس ہوئی جس میں پولیس، قانون نافذ کرنے والے اداروں اور انٹیلی جنس ایجنسیوں کے نمائندوں نے شرکت کی۔

نیکٹا اعلامیے کے مطابق کانفرنس میں ملک کی سکیورٹی صورتحال اورممکنہ خطرات کا جائزہ لیا گیا اور اسٹیک ہولڈرز کے درمیان قابل عمل انٹیلی جنس کا تبادلہ کیا گیا۔

اعلامیے میں کہا گیا ہے کہ حالیہ کالعدم قرار دی گئی تنظیموں بشمول حافظ بہادر گروپ اورمجید بریگیڈ کے خلاف آئندہ کے اقدامات پرغور کیا۔

دہشتگردی میں ملوث گل بہادر گروپ اور مجید بریگیڈ کالعدم قرار، نوٹیفکیشن جاری

نیشنل کاؤنٹر ٹیرر ازم اتھارٹی نے دونوں جماعتوں کو کالعدم جماعتوں کی فہرست میں ڈال دیا

اعلامیے میں بتایا گیا ہے کہ دہشت گرد تنظیموں کے خلاف اداروں کی مشترکہ انٹیلی جنس کی بنیاد پر آپریشنز کا فیصلہ کیا گیا۔

کانفرنس میں تمام قانون نافذ کرنے والے اداروں کی مشترکہ کوششوں سے دہشت گردی کوجڑ سے اکھاڑ پھینکنے کا عزم کیا اور کہا کہ پاکستان کو مکمل طور پر محفوظ اور پرامن ملک بنایا جائے گا۔