14 اگست ، 2024 
کراچی میں یومِ آزادی پر ہوائی فائرنگ کرنے والے 5 ملزمان گرفتار
14 اگست ، 2024
کراچی میں یومِ آزادی پر ہوائی فائرنگ میں ملوث 5 ملزمان کو گرفتار کرلیا گیا۔
پولیس کے مطابق گزشتہ شب شہر میں ہوائی فائرنگ میں ملوث ملزمان کو شاہراہ فیصل، گلستانِ جوہر، جمشید کوارٹرز اور سچل کے علاقوں سے گرفتار کیا گیا ہے۔
پولیس کا بتانا ہے کہ گرفتار ملزمان سے اسلحہ برآمد کرکے مقدمات درج کرلیے گئے ہیں۔
خیال رہے کہ گزشتہ شب پاکستان کے 78 ویں یوم آزادی کے موقع پر کراچی کے مختلف علاقوں میں ہوائی فائرنگ کی زد میں آکر 70 افراد زخمی ہوئے۔
ریسکیو ذرائع کے مطابق زخمیوں میں بچے اور 2 خواتین بھی شامل تھے جنہیں اسپتال منتقل کردیا گیا۔
ریسکیو ذرائع کے مطابق ہوائی فائرنگ کے واقعات ماڑی پور روڈ، پی آئی بی کالونی، پرانا گولیمار اور کورنگی کے علاقوں میں پیش آئے جبکہ جمشید کوارٹر، گلشن اقبال، لیاری، ملیر 15 سے بھی ہوائی فائرنگ سے زخمی افراد اسپتال لائے گئے۔
مزید خبریں :
کراچی میں ڈاکوؤں نے ایک اور چراغ گُل کر دیا
9 گھنٹے پہلے
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
