ڈھاکا یونیورسٹی کی لائبریری میں شیخ مجیب دور کے اخبارات دیکھنے پر عائد پابندی ختم

بنگلادیش: ڈھاکا یونیورسٹی کی مرکزی لائبریری میں گزشتہ 12 برسوں سے شیخ مجیب الرحمان کے دور حکومت کے اخبارات دیکھنے پر عائد غیر اعلانیہ پابندی ختم کردی گئی۔

بنگلادیشی اخبار کے مطابق گزشتہ 12 برسوں سے ڈھاکا یونیورسٹی کی لائبریری میں 1972 سے 1975 تک کے اخبارات دیکھنے پر پابندی عائد تھی، یہ وہ دور ہے جس دوران بنگلادیش میں شیخ مجیب الرحمان کی حکومت تھی۔

تاہم شیخ حسینہ واجد کی حکومت ختم ہونے کے بعد اب لائبریری کی جانب سے کہا گیا ہے کہ قارئین اب ان اخبارات کو پڑھ سکتے ہیں۔

ڈھاکا یونیورسٹی کی لائبریری میں بنگلادیش کے قیام سے پہلے تک کے اخبارات کا آرکائیو  موجود ہے جس سے طلبہ اور اساتذہ ضرورت کے وقت استفادہ کرتے ہیں۔

اخبارات دیکھنے پر  پابندی اٹھائے جانے کے باوجود طلبہ نے اس حوالے سے مایوسی کا اظہار کیا ہے کہ آرکائیوز میں 15 اگست 1975 سے 19 اگست 1975 کے اخبارات موجود نہیں ہیں۔

لائبریری حکام کا کہنا ہے کہ ان 5 دنوں کے اخبارات بارش کے باعث ضائع ہوگئے تھے تاہم طلبہ نے بتایا کہ ایسا لگتا ہے جیسے کسی نے جان بوجھ کر ان 5 دنوں کے اخبارات کو علیحدہ کیا ہو۔

خیال رہے کہ 15 اگست 1975 کو شیخ مجیب الرحمان کو ان کے گھر میں قتل کردیا گیا تھا۔

بنگلادیش کی سابق وزیراعظم حسینہ واجد کیخلاف ایک اور قتل کا مقدمہ درج

حسینہ واجد اور دیگر افراد کو 16 جولائی کوچٹاگانگ میں ہونے والے مظاہروں کے دوران اسٹوڈنٹ ونگ کے رہنما وسیم اکرم کی ہلاکت کے مقدمے میں نامزد کیا گیا

بنگلادیش: عبوری حکومت نے تمام میئرز اور ڈپٹی کمشنرز کو عہدوں سے ہٹا دیا

بنگلادیشی میڈیا کے مطابق بلدیاتی حکومتوں کے ایک ہزار 873 نمائندوں کو بھی عہدوں سے ہٹا دیا گیا ہے۔