08 ستمبر ، 2024 
کیا 17 ستمبر کو سال کا دوسرا چاند گرہن پاکستان میں دیکھنا ممکن ہوگا؟
08 ستمبر ، 2024
2024 کا دوسرا چاند گرہن 17 ستمبر (پاکستانی وقت کے مطابق 18 ستمبر) کو ہوگا جسے پاکستان میں دیکھنا ممکن نہیں ہوگا۔
یہ جزوی چاند گرہن ہوگا مگر یہ کافی خاص ہوگا کیونکہ ایسا سپر مون کے ساتھ ہوگا۔
یہ چاند گرہن امریکا، یورپ کے بیشتر ممالک، آسٹریلیا، افریقا، شمالی اور مشرقی ایشیا میں نظر آئے گا، جبکہ پاکستان اور بھارت میں اس کا نظارہ ممکن نہیں ہوگا۔
جب چاند زمین کے سائے کے تاریک ترین حصے سے گزر رہا ہوتا ہے اور زمین، سورج اور چاند کے درمیان میں آجاتی ہے تو اس موقع پر چاند گرہن ہوتا ہے۔
سورج کی روشنی جب زمینی فضا میں سے گزرتی ہے تو نیلی روشنی کی نسبت لال رنگ کی روشنی زیادہ مڑ جاتی ہےاور اس وجہ سے گرہن لگنے پر چاند سرخ رنگ کا نظر آتا ہے اور اسی وجہ سے اکثر اسے بلڈ مون بھی کہا جاتا ہے۔
البتہ گرہن کے آغاز یا پینمبرل مرحلے کا مشاہدہ پاکستان کے کچھ حصوں میں ہوسکتا ہے مگر اس دوران چاند کی چمک معمولی ماند پڑتی ہے، جس کے باعث اکثر افراد کو گرہن کا علم نہیں ہوتا۔
چاند گرہن کے پینمبرل مرحلے کا آغاز پاکستان کے معیاری وقت کے مطابق 18 ستمبر کو صبح 5 بج کر 41 منٹ پر شروع ہوگا۔
جزوی چاند گرہن کا آغاز صبح 7 بج کر 12 منٹ پر ہوگا اور 7 بج کر 44 منٹ پر عروج پر پہنچے گا، جبکہ اس کا اختتام 8 بج کر 15 منٹ پر ہوگا۔
چاند گرہن کے پینمبرل مرحلے کا اختتام 9 بج کر 47 منٹ پر ہوگا۔
جزوی چاند گرہن کا نظارہ مکمل چاند گرہن جتنا ڈرامائی تو نہیں ہوتا مگر پھر بھی یہ دیکھنے والوں کو دنگ کر دیتا ہے۔
مزید خبریں :
دنیا کی قدیم ترین حروف تہجی پر مبنی تحریریں دریافت
24 نومبر ، 2024
لندن میں مریخ کا خوبصورت نظارہ، دیکھنے والے حیران رہ گئے
24 نومبر ، 2024
دنیا کی طویل القامت اور پست قد خاتون کی پہلی بار ملاقات
21 نومبر ، 2024
چینی کمپنی کا ملازمین کیلئے انوکھے بونس کا اعلان
22 نومبر ، 2024
